如果問你最常見既電動工具五金產品係咩？你一定會話：“仲洗問！？當然係電鑽啦！出旺角新填地街同深水埗鴨記賣到一街都係啦！！”

會咁諗既相信都係入行有返咁上下年日既師傅，只不過呢…總有人唔識GA MA…可能係新手，DIY用家咁。

確實唔係人人都有機會成日用電鑽，而且D電鑽真是有好多種，款款個樣又差不多咁，如果真係需要用到電鑽時應該點選擇好呢？

咩都唔講，要選擇買咩電鑽之前，第一件事係要諗清楚自己會用把電鑽來做咩先！！因為幾平都好，買左唔合適既工具做唔到要做既野，或許做得吃力都係無意思既。

咁知道用途後又如何呢？知道用來做咩就可以決定以下介紹既電鑽種類和功能，邊樣有需要邊樣可以唔要等等，咁就可以容易D買到把合心水而又有齊需要功能的電鑽啦！！

首先都係要知一知有咩電鑽種類既（一般野來，唔會好難明！！）

電鑽：電鑽只具備旋轉方式，特別適合於在需要很小力的材料上鑽孔，例如軟木、金屬、磚、瓷磚等。

衝擊鑽：衝擊鑽依靠旋轉和衝擊來工作，可用於天然的石頭或沙磚。衝擊鑽的工作時在鑽頭夾頭處有調節旋鈕，可調普通手電鑽和衝擊鑽兩種方式。

電錘(又名油壓鑽)：電錘主要用來在混凝土、樓板、磚牆和石材上鑽孔。專門在牆面，混凝土，石材上面進行打孔，還有多功能電錘，調節到適當位置配上適當鑽頭可以代替普通電鑽，電鎬使用。

太多字？咁來個簡單版：

電鑽 - 鑽軟木、鐵板。

衝擊鑽 – 鑽木材、金屬、沙磚。

電錘(又名油壓鑽) - 鑽混凝土、樓板、磚牆、石材。

原則：正常來講，轉速快就扭力細，轉速慢就扭力大。速度快就慳時，而扭力大表示慳力。

之但係咁，如果我唔係成日用電鑽，幾大扭力先叫夠呢？如果只是想DIY一下，買太貴又不抵，太便宜扭力和轉速又怕唔夠。。。

如果係咁，建議新手可先以高扭力為主要來做挑選，始終經驗不夠係好難估到舊野到底有多難鑽，雖然速度慢，但至少可以DIY到，比起買把速度快，但鑽唔入既好。

單速：得一種轉速

雙速：有兩種轉速選擇，通常就係快速同慢速。(係有少少廢話，不過要解釋係咁GA啦，唔係點講先得GA？)

變速：按開關幾大力來決定轉速，用熟左可以更精準確實地使用，材料越硬，所要求的轉速越低。

最後......如果你有咁好耐性睇完上面咁多字，就算仲有唔明，點都應該有個概念。

最後既最後......就係價錢：決定好用途和需要的功能後，跟住就可以比較價錢做決定了！！

再有疑問，去到五金店問問師傅吧！！