{{ 'fb_in_app_browser_popup.desc' | translate }} {{ 'fb_in_app_browser_popup.copy_link' | translate }}

{{ 'in_app_browser_popup.desc' | translate }}

目錄 購物車 {{currentCart.getItemCount()}}
商品總數的上限為 100 件,請調整數量再點擊購買

電鑽知多D!!

如果問你最常見既電動工具五金產品係咩?你一定會話:仲洗問!?當然係電鑽啦!出旺角新填地街深水埗鴨記賣到一街都係啦!!

會咁諗既相信都係入行有返咁上下年日既師傅,只不過呢總有人唔識GA MA…可能係新手DIY用家咁。

確實唔係人人都有機會成日用電鑽,而且D電鑽真是有好多種,款款個樣又差不多咁,如果真係需要用到電鑽時應該點選擇好呢?

用途

咩都唔講,要選擇買咩電鑽之前,第一件事係要諗清楚自己會用把電鑽來做咩先!!因為幾平都好,買左唔合適既工具做唔到要做既野,或許做得吃力都係無意思既。

 

咁知道用途後又如何呢?知道用來做咩就可以決定以下介紹既電鑽種類和功能,邊樣有需要邊樣可以唔要等等,咁就可以容易D買到把合心水而又有齊需要功能的電鑽啦!!

普遍的電鑽種類

首先都係要知一知有咩電鑽種類既(一般野來,唔會好難明!!)

電鑽:電鑽只具備旋轉方式,特別適合於在需要很小力的材料上鑽孔,例如軟木、金屬、磚、瓷磚等。

衝擊鑽:衝擊鑽依靠旋轉和衝擊來工作,可用於天然的石頭或沙磚。衝擊鑽的工作時在鑽頭夾頭處有調節旋鈕,可調普通手電鑽和衝擊鑽兩種方式。

電錘(又名油壓鑽):電錘主要用來在混凝土、樓板、磚牆和石材上鑽孔。專門在牆面,混凝土,石材上面進行打孔,還有多功能電錘,調節到適當位置配上適當鑽頭可以代替普通電鑽,電鎬使用。

太多字?咁來個簡單版:

電鑽 - 軟木、鐵板

衝擊鑽 – 木材、金屬、沙磚

電錘(又名油壓鑽) - 混凝土、樓板、磚牆、石材

 

手電鑽

電鑽只具備旋轉方式,特別適合於在需要很小力的材料上鑽孔,例如軟木、金屬、磚、瓷磚等。

衝擊鑽

衝擊鑽依靠旋轉和衝擊來工作,可用於天然的石頭或沙磚。衝擊鑽的工作時在鑽頭夾頭處有調節旋鈕,可調普通手電鑽和衝擊鑽兩種方式。

電錘/油壓鑽

電錘主要用來在混凝土、樓板、磚牆和石材上鑽孔。專門在牆面,混凝土,石材上面進行打孔,還有多功能電錘,調節到適當位置配上適當鑽頭可以代替普通電鑽,電鎬使用。

扭力與轉速

原則:正常來講,轉速快就扭力細轉速慢就扭力大。速度快就慳時,而扭力大表示慳力。

 

之但係咁,如果我唔係成日用電鑽,幾大扭力先叫夠呢?如果只是想DIY一下,買太貴又不抵,太便宜扭力和轉速又怕唔夠。。。

如果係咁,建議新手可先以高扭力為主要來做挑選,始終經驗不夠係好難估到舊野到底有多難鑽,雖然速度慢,但至少可以DIY到,比起買把速度快,但鑽唔入既好。

 

夾頭

三分:指最大夾頭能力為3/8英吋、即為可使用至10MM直徑的鑽頭。

四分:指最大夾頭能力為4/8英吋、即為可使用至13MM直徑的鑽頭。

夾頭種類

鑰匙夾頭:顧名思義,係要用鑰匙鎖緊鑽咀的夾頭

自動夾頭:免鑰匙鎖緊鑽咀的夾頭

鑽咀

老實講句,鑽咀真是太多種類,多到點講都講唔完,就算我肯慢慢講你都未必慢慢睇。。。

鑽唔同物料係用唔同既鑽咀,最簡單既做法就係話俾五金店既師傅知你要鑽咩物料,叫佢執比你。。。

買錯左返去,錢事小,做唔到野事大!!

震動功能

有震動功能(鐵鎚符號),主要針對磚牆及水泥牆使用。

無震動功能(鑽頭符號),主要針對木材、鐵材、塑膠材質等使用。

轉動方向(可調轉左轉右)

正轉與逆轉功能兼具的話方便裝卸螺絲,可當電動起子機使用。

單速、雙速、變速

單速:得一種轉速

雙速:有兩種轉速選擇,通常就係快速同慢速。(係有少少廢話,不過要解釋係咁GA啦,唔係點講先得GA?)

變速:按開關幾大力來決定轉速,用熟左可以更精準確實地使用,材料越硬,所要求的轉速越低。

供電方式-充電式

充電式:充電式電鑽適用於高空作業或電源供應不易之處,

優點:攜帶方便,適合轉螺絲或鑽木頭及金屬材料

缺點:輸出功率較低,有時間性及電力供應之限制

供電方式-插電式(有電線)

優點:若要用來鑽水泥牆,採用插電式的電鑽較具威力,唔會用到無電。(當然停電就另計啦…)

缺點:就係要跟住條電線

輔助把手

為了增加操作工具時的穩定性和安全性,輔助把手邊附帶量尺的用途式測量鑽孔的深度。

最後......如果你有咁好耐性睇完上面咁多字,就算仲有唔明,點都應該有個概念。

最後既最後......就係價錢:決定好用途和需要的功能後,跟住就可以比較價錢做決定了!!

再有疑問,去到五金店問問師傅吧!!

信心電動工具有限公司
門市: 九龍旺角新填地街293號地鋪
Retail Shop: G/F., 293 Reclamation Street, MongKok, Kowloon, H.K.

我們的Facebook專頁